Mánáidáittardeaddji

Dieđáhus 16.11.2009 

Mánáidáittardeaddji Maria Kaisa Aula sávvá, ahte máná vuoigatvuođat váldošedje skuvlaoahpahusa oassin ja maiddái buot mánáiguin bargiid skuvlejumi oassin. 

- Mánáin lea vuoigatvuohta diehtit  iežaset vuoigatvuođain ja ollesolbmot galget dovdat daid. Stáhta galgá guoddit das ovddasvástádusa ja váldit olmmošvuoigatvuohta- oahpahusa skuvllaid ja oahppolágádusaid doaimma oassin, Maria Kaisa Aula muittuha.

Máná vuoigatvuohta oassálastit, boahtit gullot ja váikkuhit lea ON:id máná vuoigatvuođaid oktasašsoahpamuša 20-jagiávvujagi erenomáš tema.  Mánáidáittardeaddji deattuha, ahte dán vuoigatvuođa ollašuvvan maiddái geavadis gáibida, ahte mánát ožžot áddehahtti dieđuid eallimii gulavaš áššiin ja sáhttet dan láhkai ráhkadit ja muitalit dain iežaset oaivila. Dat veahkeha maiddái mearrideaddjiid fuobmát mearrádusaid váikkuhusaid mánáide ja bargat buoret čovdosiid.

- Gielddain dahkkojit olu mearrádusat, mat dovdomassii váikkuhit mánáid eallimii ja buorredillái. Hárve gielda goittotge lea čielggadan, maid mánát jurddašit ovdamearkan beaivedikšunjoavkkuid sturrodagas, skuvlaboradeami seastindoaimmain dahje giliskuvllaid heaittiheamis. Mearrádusaid mánnáváikkuhusaid ovddalgihtii árvvoštallama galgá lasihit,  Maria Kaisa Aula dadjá.

Mánáidáittardeaddji oassálastá máná vuoigatvuođaid beaivve 20.11 Suoma mánáid parlameantta ávvučoahkkimii Helssegis ja maiddái Suoma nuoraidstivrraid čoahkkimii.  Gaskavahku mánáidáittardeaddji jođiha mearrideaddjiid panelaságastallama Tamperees.

Dieđut sierra gielaiguin

Mánáidáittardeaddji bargun lea ovddidit ja čuovvut máná vuoigatvuođaid ollašuvvama Suomas.

Mánáidáittardeaddji neahttasiidduin www.lapsiasia.fi gávdno earret originála soahpamušteaksta suoma-, ruoŧa-, eaŋgals- ja davvisámegillii, maiddái soahpamuša guovddáš sisdoalu sáhttá álkit lohkat prošyrahámis. Prošyra lea almmustahtton máinnašuvvon gielaid lassin maiddái nuortalaš- ja anárašgillii, románagillii ja gieskat maiddái ruoššagillii. Maiddái seavagielain máná vuoigatvuođaid prošyra plánejuvvo.

Neahttaspeallu Fearán Sisueatnamis rahpá máná vuoigatvuođaid

Dál máná vuoigatvuođaide sáhttá oahpásmuvvat maiddái neahttaspealu vehkiin. Mánáidáittardeaddji Mánáid siidduin www.lastensivut.fi lea almmustahtton neahttaspealu pilohttaveršuvdna, mii láidesta fearánii bealuštit Sisueatnama mánáid vuoigatvuođaid ja ovdanbuktinluomusvuođa. Speallu buoriduvvo viidásabbot ja kommeanttat leat buresboahtán.

Oassálastima ja váikkuheami fáddá lea gieđahallon siidduin muđuige viidát ja mánáid iežaset máidnasiidda lea Mánáid siidduin addojuvvon eanet sadji.

Sisu-bussái ruoŧagielat vilbealli Sam

Mánáidsiidduin fearánasti máná vuoigatvuođaid dovddusin dahkki, Sisu-bussá lea ožžon ruoŧagielat vilbeali Sam. Hui olu vilbealilágan dipmadohkká Sam lea darvánan movttegit dehalaš bargui ja doalvu dáid vahkuin máná vuoigatvuođaid dieđu Turunmaa sulluid mánáide. Sam beaivegirji gávdno suoma- ja ruoŧagillii Mánáid siidduin.

Loga lasi Mánáid siidduin !

Lassidieđut:

Mánáidáittardeaddji
Maria Kaisa Aula
mariakaisa.aula@stm.fi

Allagohcci
Elina Nivala
elina.nivala@stm.fi