Mánáidáittardeaddji

Mánás lea vuoigatvuohta oassálastit

UN:a máná vuoigatvuohđaid soahpamuša mielde mánás lea vuoigtavuohta suodjalussii, doarvái buriide birgennávccaide ja oassálastimii. Mánás lea vuoigtavuohta leat unni, suddjejuvvon ja dorvvus muhto seammás maiddái vuoigatvuohta leat aktiivvalaš ja oažžut iežas oaiviliid vuhtiiváldojuvvot.

Oassálastimii gullá máná vuoigatvuohta friddja ovdanbuktit iežas oaiviliid ja ollesolbmuid geatnegasvuohta váldit máná oainnuid vuhtii máná agi ja vásáhusdási mielde. Oassálastimii gullá maiddái máná vuoigatvuohta dasa, ahte son galgá gullot maiddái su guoskevaš hálddahuslaš ja vuoigatvuođalaš doaimmain. Mánás lea vuoigatvuohta šaddat gullot ja oassálastit maiddái ruovttu mearrádusdahkamii.

UN:a soahpamuša vuolggasadjin lea máná ovddu lokten ovdasadjái mearrádusdahkamis. Dat eaktuda, ahte mearrádusaid dahkamis mánnái guoskevaš váikkuhusat árvvoštallojuvvojit ovdagihtii ovddežisge buorebut. Maiddái mánáide guoskevaš váikkuhusaid árvvoštallan gáibida mánáid ja nuoraid iežaset oainnuid čielggadeami mearrádusdahkama vuođđun.

• Loga mánáid ja nuoraid oainnuid iežaset vuoigatvuođaid ollašuvvamis ( Áššit ollesolbmuide!)
• Loga Sirpa Taskinen: Lapsiin kohdistuvien vaikutusten arvioiminen

Vuođđoláhka muittuha mánáid vuogis doaibmat

Máná vuoigavuođat oassálastimis gullet Suoma lágaide. Láhkaásaheapmi doarju mánáid oassálastima ja váikkuheami gielddain ja earenoamážit skuvllain.

Maiddái Suoma vuođđolága mielde mánáiguin galgá láhttet dássoárvosaččat ja sii galget beassat váikkuhit sin iežaset guoski áššiide čálgandásis mielde.

Vuođđolágas oassálastin ii leat ráddjejuvvon dihtoahkásaš mánáide. Dat geatnegahttá mearrideddjiid ja mánnái guoskevaš bálvalusain bargiid váldit vuđolaččat čielgasa máná ovdáneapmái gullevaš áššiide ja heivehit máná oassálastinvugiid dan mielde. Vai mánát besset oassálastit ja váikkuhit, dárbbašuvvo ovdalis buoret diehtu mánáide mihtilmas vugiin doaibmat ja jurddašit.

• Loga lasi mánáid oassálastimis Mánáidáittardeaddji jahkegirjjis .