Nuorra ráđđeaddit – doaimma etihkalaš prinsihpat

Mánáidáittardeaddji láhkageatnegahtton bargun lea deaivvadit mánáid ja nuoraid ja gaskkustit sin oainnuid viidásabbot. Nuorra ráđđeaddit -doaibma lea ovddiduvvon mánáidáittardeaddji doaimmahagas guhká. Etihkalaš prinsihpat leat doaimma ovddideami dehálamos oaivadus.

Mánáidáittardeaddji čuovvu Nuorra ráđđeaddit -doaimmas čuovvovaš prinsihpaid:

Máná vuoigatvuođaid ovddideapmi

Doaimmas lea mihttomearri, mii ovddida máná vuoigatvuođaid: nannet máná oaiviliid ja oainnuid gullama ja vuhtiiváldima servodagas. Doaibma doalvu mánáid dáfus váikkuhahtti loahppabohtosii, ja sin oaivilat ja oainnut eakti láhkai ávkkástallojuvvojit mánáidáittardeaddji barggus.

Ovttaveardásašvuohta

Doaimmas fáhtejuvvojit mánát ja nuorat nu ovttaveardásaččat go vejolaš. Deaivvadanjoavkkut válljejuvvojit nu, ahte dat ovddastit iešguđet eallinsurggiid ja iešguđetlágan mánáid, maiddái unnitloguid, árgabeaivvi ja eallima. Mánát miehtá Suoma ožžot vejolašvuođa oassálastit doibmii.

Eaktodáhtolašvuohta

Doibmii oassálastin lea mánáide eaktodáhtolaš. Mánáide addojuvvo vejolašvuohta maid leat oassálasttekeahttá. Juohkehaš oažžu muitalit jurdagiinnis ja vásáhusainis juste dan mađe go háliida. Juos mánná háliida, son ii dárbbaš vástidit gažaldahkii dahje oassálastit addojuvvon hárjehussii.

Dieđáhus fuolaheaddjiide

Juos mánát, geat oassálastet doibmii, leat vuollil 15-jahkásaččat, sin fuolaheaddjiide dieđihuvvo deaivvadeamis. Ahkerádji guoskaduvvo goitge iešguđetge dilis sierra ja vuhtiiváldimiin mánáid čálgandássi.

Mánáid áššedovdamuš

Mánáide addojuvvo vejolašvuohta muitalit friddja iežaset vásáhusain ja oainnuin. Mánát leat áššedovdit, geaid jurdagiin leat beroštuvvan. Mánát roahkasmahttojuvvojit ja dorjojuvvojit ovdanbuktit iežaset jurdagiid ja deattuhuvvo, ahte rievttes dahje boasttu vástádusat eai leat.

Konstruktiiva ságastallan

Doaimmas čuvvojuvvojit konstruktiiva ságastallama njuolggadusat, maidda gullet ee. earáid guldaleapmi, árgagiela geavaheapmi, mieldeorrun ja earáid gudnejahttin.

Dárkilis sitáhtat

Váldoáššis deaivvademiid ságastallamat vurkejuvvojit. Ná mánáid ságat ráddjojuvvojit nu dárkilit go vejolaš. Vurkemis ja dan ulbmilis muitaluvvo mánáide ja fuolaheaddjiide reivves, mii sáddejuvvo sidjiide ovdagihtii. Seammás muitaluvvo, ahte mánáid namat dahje eará dieđut, main máná sáhttá dovdat, eai čállojuvvo.

Rabasvuohta

Doaibma lea sisdoaluid oasil prinsihpalaččat rabas. Danin buot deaivvademiin ráhkaduvvo maŋálgihtii muittuhančála. Muittuhančála gaskkustuvvo duogášorganisašuvnna bokte deaivvademiid oasseváldiide oaidnin ja kommenteren láhkai. Go sii leat dohkkehan muittuhančállaga, dat almmustahttojuvvo mánáidáittardeaddji siidduin.

Mii eat daga dárkkistangalledemiid

Mánáidáittardeaddjis ii leat doaibmaváldi gieđahallat ovttaskas mánáid dahje bearrašiid áššiid dahje dutkat eará virgeoapmahaččaid meannudeami. Danin mánáidáittardeaddji deaivvadeamit mánáiguin eai goassige leat dárkkistangalledeamit.

Bistevaš ovddideapmi

Dát doaibmamálle ovddiduvvo bistevaččat doaimmas dahkkojuvvon áicamiid ja mánáid máhcahaga vuođul.